सोलापूर: स्थानिक स्वराज्य संस्थांच्या निवडणुकांच्या पार्श्वभूमीवर सोलापूर शहरातील राजकारणात मोठी राजकीय खळबळ उडाली आहे. गुरुवारी रात्री मुंबईत मुख्यमंत्री देवेंद्र फडणवीस यांच्या वर्षा या शासकीय निवासस्थानी झालेल्या महत्त्वाच्या बैठकीत शहरातील अनेक माजी नगरसेवकांनी भारतीय जनता पक्षात प्रवेश केला आहे. भाजपचे ऑपरेशन लोटसने सोलापूरच्या राजकीय क्षेत्राला जबर धक्का दिला आहे. उपमुख्यमंत्री अजित पवार यांच्या नेतृत्वाखालील राष्ट्रवादीलाही मोठा धक्का बसणार असून माजी आमदार राजन पाटील, माजी आमदार यशवंत माने, माजी आमदार बबनदादा शिंदे आणि त्यांचे चिरंजीव रणजित शिंदे हे देखील लवकरच मुख्यमंत्र्यांच्या उपस्थितीत भाजप प्रवेश करतील, अशी शक्यता वर्तवली जात आहे. काँग्रेसचे नेते व माजी आमदार दिलीप माने यांचा सुद्धा भाजप प्रवेश जवळपास निश्चित झाला आहे. मुख्यमंत्री देवेंद्र फडणवीस यांनी या माजी आमदारांच्या पक्ष प्रवेशाला ग्रीन सिग्नल दिल्याची माहिती सूत्रांनी दिली आहे. याच दरम्यान या हायजॅक मागे काय रणनीती आहे ? तुम्हाला काय वाटते ? नक्की सांगा !
Post a Comment